Филмовите „Врба“ на режисерот Милчо Манчевски и „Налепница“ на Георги Унковски, не добија номинација за Оскар.
Американската академија за филмска уметност и наука ги објави потесните листи со по 15 филмови во девет категории, а од овие листи потоа ќе се изберат по пет филма што ќе бидат номинирани за Оскар.
Номинациите ќе бидат објавени на 15 март, а доделувањето на наградите ќе се одржи на 25 април, во живо од неколку локации во Лос Анџелес.
За потсетување, во 1995 година филмот „Пред дождот“ на Манчевски беше првиот македонски филм номиниран за Оскар за најдобар странски филм. Лани „Медена земја“ на Тамара Котевска и Љубо Стефанов, имаше две номинации, за најдобар странски филм и за најдобар документарец.
