Полека времето заладува и овој пат наш предлог е да направите бело топло чоколадо, со портокал и цимет.
Потребни состојки:
500 мл млеко
80 гр бело чоколадо
100 мл слатка павлака
4 лажици ликер од портокал
Подготовка:
Млекото загрејте го на тивко, додадете ја слатката павлака и искршеното бело чоколадо. Мешајте додека смесата да се изедначи.
Откако ќе го тргнете од оган, додадете го ликерот од портокал. Ако сакате безалкохолен пијалак, можете да додадете екстракт од портокал и малку рендана кора.
Послужете со шлаг и цимет или пак со додаток кој е по ваш вкус.
