Домашни еклери

Потребни состојки:

250 мл вода
150 мл масло
1 прашок за печиво
150 г брашно
4 јајца

Фил:

2 пудинга од ванила
750 мл млеко
10 лажици шеќер
75 г путер
80 г шеќер во прав

За полевање: чоколадо за готвење со 2-3 лажици масло

Начин на подготовка:

250 мл вода и 150 мл масло се ставаат во длабок сад на оган да зоврие. Потоа се трга на страна и се додава 150 г брашно измешано со еден прашок за печиво. Се меша додека да се добие хомогена смеса која се одвојува од ѕидовите на тенџерето и се формира во топка. Добиеното тесто се остава да излади целосно, па потоа во него се додава едно по едно јајце. Кога ќе се додаде јајцето се меси со рака додека јајцето целосно да се впие во тестото. Со мало лажиче се вади од тестото и се става на тава обложена со хартија. Еклерите се печат во претходно загреана рерна на 200 степени додека да заруменат. Додека се печат еклерите, не смее да се отвора рерната за да останат крцкави и да не „паднат“.

Додека се печат еклерите се подготвува филот. Два пудинга од ванила се варат во 750 мл млеко со 10 лажици шеќер. Кога ќе ја добие потребната густина, се трга на страна и се остава да излади. На страна се мати путерот со шеќер во прав, па во него постепено се додава изладениот пудинг и заедно убаво се миксаат додека да се изедначат. Печените и изладени еклери се сечат на половина и се филуваат. Одозгора можете да ги наросите со шеќер во прав или да ги полиете со чоколадна глазура.

За глазура: Едно чоколадо за готвење искршете го на коцки, и на пареа растопете го со две-три лажици масло.

 

Scroll to Top