Ролни со јогурт

By

Потребно:

600 гр брашно
100 мл вода
1 лажица шеќер
40 гр (1 коцка) свеж квасец
2 јајца
50 мл зејтин
1 лажичка сол
250 мл јогурт
Потребно е уште 1/2 лажичка мед и сусам

Тестото е замесено со јогурт и се премесува два пати и затоа ролните се многу меки и би ви препорачала да ги пробате.
Прво го ставаме квасецот во еден сад со 1 лажица шеќер, 2 лажици брашно и 100 милилитри млака вода. Убаво промешуваме и го оставаме квасецот да надојде.
Во подлабок сад го ставаме брашното, солта, 1 јајце, зејтинот, јогуртот и надојдениот квасец. Мешаме со дрвена лажица, а потоа тестото го домесуваме на работна површина.
Го покриваме со крпа и го оставаме да стаса и да го зголеми двојно својот волумен. Повторно го размесуваме тестото и оставаме повторно да стаса. Сега од тестото сукаме правоаголна кора со дебелина од 1 сантиметар. Сечеме ленти од кората. Секоја лента ја премачкуваме со разматена белка и ја замотуваме во ролна.
Ги ставаме на пек-хартија. Ги премачкуваме со разматена жолчка со 1/2 лажичка мед. Посипуваме сусам и ги оставаме да одморат додека да загрее рерната на 180 степени. Се пече 25 минути.
Од оваа количина излегуваат 22 ролни.

 

Ќе ви се допадне