Хеликобактер е бактерија која шири инфекција во желудникот и дванаесетпалечното црево. Многу болести на овие органи се поврзани со присуство на оваа бактерија во организмот. За лекување на оваа бактерија се препишуваат специјални антибиотици и пробиотици и третманот на лекувањето трае околу две седмици. Но, покрај современата медицина, во лекувањето на оваа бактерија може да ви помогнат и природни лекови кои даваат одлични резултати.
Ленено семе
1 лажица ленено семе прелијте со 200 мл зовриена вода. Поклопете и оставете да отстои 2-3 часа. Процедете и земајте по 1 супена лажица пред секој оброк. Вака добиената слуз има позитивно влијание на желудникот бидејќи ги обложува ѕидовите на желудникот и ја намалува болката.
Сок од компир
За да го приготвите сокот, земете три компири со средна големина, добро измијте ги и излупете ги, па ставете ги во соковник. Испијте половина чаша сок пред оброк. Дејствува смирувачки за желудникот и ја намалува болката.
Сок од зелка
Исцедете сок од помала главица зелка. Пијте по половина чаша еден час пред оброк. Сокот од зелка е погоден за обновување на ткивото. Во двата случаја (кај зголемена или намалена киселост) направете смеса, која одлично го штити желудникот и ги намалува болките.
Прополис
Земајте по 10 капки со една чаша вода, пред секој оброк. Третманот се завршува кога ќе испиете 100 мл од тинктурата. Не консумирајте прополис додека пиете антибиотици.
