Голем број жени користат магданос како додаток на секојдневни јадења. Оваа свежа и ароматична билка не само што на храната и дава посебен вкус и арома туку и дополнително ја збогатува со витамини.
Меѓутоа, малку е познато дека магданос е одличен диуретик, намалува отоци, го чисти уринарниот тракт и така помага кај голем број други здравствени проблеми.
На Балканот е застапена напивка која се подготвува од оваа моќна билка,а која ни помага да слабееме на природен начин. Напивката работи по принцип на исфрлање на вишокот течности од организмот и што е важно не ја нарушува природната рамнотежа на електролитите во телото.
Долу наведената количина на состојките е наменета за еднодневно користење, меѓутоа бремените жени и личности со хронични заболувања пред употреба би требало да се посоветуваат со лекар. Исто така, не се препорачува зголемување на дозата поради изразениот диуретички ефект.
Состојки: 5 супени лажици исечкани листови од магданос, 1 литра вода.
Подготовка: Ставете ја водата да зоврие и со неа прелејте ги листовите од магданост и поклопете. Оставете 20 минути и потоа процедете. Напивката би требало да ја пиете во текот на целиот ден.
Магданос од организмот ги исфрла токсините и го забрзува метаболизмот. Со оглед, на ефикасност на оваа напивка, не се препорачува да го земате повеќе од пет дена поред. За одржување на процесот на слабеење, придржувајте се до правилен режим на исхрана.
