Иако луѓето речиси секогаш ја фрлаат кората од портокал, експертите велат дека таа е исто така богата со витамини и минерали и дека може да се користи и во исхраната и во козметиката.
Кората од портокал е ценета поради високиот процент на масти, минерали, витамини, стероли и вода. Во неа има многу железо, калиум, магнезиум, натриум, селен, фосфор, цинк, витамини А, Б1, Б2, Б5, Б6 и многу други елементи што ја прават повеќе од обичен плодов нус-производ.
Кората помага и при лош здив, само изџвакајте мало парченце неколку минути и проблемот моментално е решен. За белеење на забите протријте кора од портокал на нив.
Докажано помага при мамурлак и имаат смирувачко дејство при главоболки, дури и мигренозни. Придобивките од кората од портокал се многукратни, така што не треба лесно да ја занемарите.
За што друго може да се користи:
За слатко и чај
Кората од портокал има пријатна арома, која освежува и го подобрува расположението. Пред да ја употребите за исхрана, треба да ја накиснете во вода околу 24 часа, а тоа ќе помогне да се исфрлат сите хемиски состојки што влегуваат во неа при обработка на портокалите. Одлична идеја е да подготвите домашно слатко од кора од портокал, кое е многу вкусно, ароматично и пријатно. При варење слаткото станува како желе, а за да го подготвите ви требаат кори од портокал, вода, шеќер и лимонтус.
Сушените кори од портокал се совршен додаток во разни чаеви. Не само што му ја подобруваат аромата, туку го прават и поздрав пијалак.
Исушените и тенко рендани корички од портокал се вкусен додаток во разни видови јадења, особено во сосови што се служат со месо. Аромата од портокал совршено се комбинира со пилешко месо.
За чистење на домот
Кората од портокал може да се користи и за други намени, како, на пример, освежување на домот во кој живеете. Етеричните масла што ги содржи, го освежуваат воздухот и се ефикасни во борбата со непријатните мириси.
Исто така, може да се користи и како природен препарат за чистење. Особено е поволно за луѓе што не можат или не сакаат да користат хемиски средства за чистење на домот. Во комбинација со сол и оцет, кората од портокал е универзално средство за чистење маснотии од разни површини.
За козметички третмани
За здрави и сјајни нокти можете да втриете парче кора од портокал на ноктите. Мастите од кората ќе им дадат блескав и убав изглед на ноктите. Подгответе си ароматична купка од топла вода во која ќе додадете неколку парчиња кора од портокал. Таа ќе ве релаксира и смири. За убава кожа на лицето можете нежно да втриете парче кора од портокал, која ќе ги испушти своите ароматични масла и ќе ѝ даде сјај на кожата.
