Со вежби намалете ги брчките на лицето

By

Со јога вежбите за лице ќе изгледате помладо и ќе ги намалите брчките, тврдат експертите. Овие вежби ја подобруваат циркулацијата, ги зајакнуваат мускулите на лицето и имаат долгорочни резултати ако се прават редовно.

Обликувајте ја вилицата

Поставете ги дланките на двете страни од брадата покрај вилицата. Држете ја главата исправена и полека испружете ја брадата напред за да создадете отпор во мускулите на вратот. Држете неколку секунди и пуштете. Повторете ка вежбата 10-15 пати.

Подобрете ја циркулацијата

Поставете ги дланките на слепоочниците и затворете ги очите. Малку затегнете ја кожата на челото од страните. Исплазете го јазикот што е можно повеќе. Дишете бавно, вдишувајќи од носот и издишувајќи низ устата. Правете ја вежбата 30 секунди.

Зајакнете ги образите

Поставете ги трите средни прсти од десната рака на устата. Ставете ја левата дланка на левиот образ. Вдишете длабоко од носот, а потоа држете го воздухот во образите додека ја држите устата затворена. Нежно притиснете го левиот образ. Држете неколку секунди, па издишете. Повторете ја вежбата 10 пати на секоја страна.

Опуштете ги мускулите на очите

Поставете ги прстите над и под очите. Очите треба да бидат помеѓу средниот и домалиот прст, средниот прст потпрете го на веѓите, а палците поставете ги зад ушите. Нежно затегајте ја кожата околу очите, горе и долу, подигајќи ги веѓите и спуштајќи ги јаболчици со вашите прсти. Држете ја положбата 30 секунди.

Изострете го носот

Направете лабави тупаници со дланките и поставете ги над горната усна, така што показателите се веднаш под вашите ноздри. Нежно затегнете ја кожата под носот надолу. Држете ја положбата 30 секунди.

 Ослободете се од брчките околу устата

Поставете ги дланките на образите со прстите свртени зад вас. Отворете ја устата и ставете го врвот на јазикот на горниот дел од усната празнина. Нежно затегнете ја кожата околу носот на страна, додека притискате со врвот на јазикот. Бидете во оваа положба 30-40 секунди.

Затегнете ја брадата

Поставете ги показалците и средните прсти на јаболчиците. Малку отворете ја устата и свиткајте ја долната уста навнатре кон забите. Без да ја менувате положбата на долната усна, насмевнете се што е можно пошироко. Држете ја оваа положба 30 секунди.

За помалку брчки на челото

Поставете ги дланките на слепоочниците. Нежно притиснете ги дланките кон скалпот сè додека не почувствувате затегнување на челото и под очите. Останете во таа положба 20-30 секунди.

Спречете ги спуштените капаци

Поставете ги врвовите на трите средни прсти на веѓите и затворете ги очите. Кревајте ги веѓите нагоре со прстите сè додека не почувствувате затегнување над очните капаци. Бидете во оваа положба 20-30 секунди.

Ќе ви се допадне