Нутриционистите велат дека постојат неколку трикови со кои можете да го измамите организмот дека не сте гладни. Ова се нивните совети како да ја намалите претераната желба за храна.
Пијте вода
Понекогаш сме жедни, а мислиме дека сме гладни. Водата дава чувство на ситост, па затоа се препорачува да пиете два литра вода дневно, меѓу оброците.
Јадете храна богата со протеински влакна
Јадете јаболка, компир или интегрални житни зрна. Оваа храна за кусо време ќе ви даде чувство на ситост.
Јадете малку, а почесто
Гладот може да се надмине и со чести, но мали оброци, кои не дебелеат. Нутриционистите препорачуваат да грицкате морков, краставици или целер, да направите овошна салата или да се напиете чаша јогурт.
Консумирајте интегрална храна
Интегралниот леб и интегралните житни зрна не предизвикуваат преголемо лачење инсулин. Тие даваат долготрајно чувство на ситост и задоволство.
Внесувајте помалку сол
Наместо сол, користите зачини што ќе ѝ дадат арома на храната. Јадете супа. Оброкот почнете го со густа супа од зеленчук, која ќе ви даде чувство на ситост оти содржи вода и влакна. Нутриционистите најмногу препорачуваат супа од домати.
Не брзајте додека јадете
На мозокот му требаат 20 минути за да заклучи дека сме сити. Затоа, јадете бавно и уживајте во храната.
Внесувајте доволно витамини и минерали
Недостигот на некој витамин може да е причина да ви се појави желба за некоја храна. На пример, ако ви недостига витамин Б, може да ви се појави голема желба за шеќер.
