Кога станува збор за француските женски фризури, нивната филозофија е многу доследна: колку помалку ја обликувате и уредувате, толку подобро.
Французинките имаат вештина да ја натераат косата да се приспособи на нивниот животен стил. Притоа да зрачи со лесна, ноншалантна естетика. За да го постигнат овој опуштен, но шик изглед, постојат одредени фризури кои тие ги избираат речиси секој ден.
„Француската коса е мекост и софистицираност без многу внимание“, објаснува стилистот Тревор Сорби Ковент.
Ова се најчестите фризруи кои ги бараат Французинките кај своите стилисти.
1. Разбушавена фризура
Разбушавената коса доживеа голем камбек во текот на изминатата година, а Французинките беа оние што го презедоа водството. Оваа фризура помеѓу долга и кратка коса има меки, текстурирани слоеви и зрачи со својот секојдневен изглед.
Клучот е никогаш да не ја преоптоварувате косата. Ако сакате вашата коса да биде светла и воздушна, попрскајте балсамот на вашата коса додека е влажна и оставете ја да се исуши природно за да ги дефинирате природните бранови.
View this post on Instagram
2. Француски боб
Експертите за коса веќе велат дека францускиот боб ќе биде најбараната фризура во 2022 година.
Францускиот боб изгледа како класичниот боб, но без оние остри рабови. Совршен за права, брановидна и кадрава коса, францускиот боб е една од најелегантните фризури“.
View this post on Instagram
3. Пикси фризури
Пикси е уште еден класичен француски стил.
За кратка права коса со текстура, ќе ви требаат различни производи за стилизирање – од регенератори до преси со ниски температури, а кога станува збор за кратката виткана коса, хидратацијата е пресудна, па затоа побарајте крема за да ги дефинирате локните.
View this post on Instagram
4. Долга коса со шишки
Фризурите со шишки се олицетворение на шик фризура за француските девојки, особено кога се комбинираат со долга коса. Овој стил изгледа најдобро кога е прилично рамна во коренот, а рабовите имаат одредена текстура.
Французинките го избираат пристапот “помалку е повеќе”, кога сакаат да изгледаат софистицирано без многу напор.
View this post on Instagram
5. Тенџере фризура
Т.н тенџере фризурите одамна не се само за оние со ретро стил, ниту само за ексцентрични, за што сведочат и стилизираните жени на париските улици.
Можете да ја носите мазна или „неуредна“, а за поголем волумен користете сув шампон или спреј за сјај.
View this post on Instagram
