Шеширот е стилски додаток кој не е наменет баш за сите. Тој е нешто посебно, без разлика за кој настан ќе го одбереме. За тие што се навикнати да носат шешир, мора е најудобен детал, кој што може да го замислат на својата глава, за да се чувствуваат префинето.
Ако сакате да носите шешири или едноставно сте инспирирани оваа пролет да се впуштите во таа авантура, ви предложуваме мали насоки за тоа кој облик и боја како се комбинираат со пролетната облека.
Моментално многу видови шешири се актуелни, што ни овозможува да бидеме креативни и да создадеме допадлив стајлинг. Од сламени, до каубојски, кои изгледаат толку шик и елегантно, во исто време. Меѓу сите нив се издвојуваат помалите шешири со широк раб. Оние кои оваа сезона треба да ги заобиколиме се „oversized“ ако сакаме да бидеме во тренд.
