Холивудската ѕвезда Кристина Ричи (41) со гол труднички стомак ја рекламира најновата колекција на „Марк Џејкобс“, насловена „Рај“. Таа сликите од новата кампања ги објави на „Инстаграм“.
„Јас и моето бебе за ‘Марк Џејкобс‘“, напиша глумицата, која наскоро треба да се породи.
Ричи и нејзиниот сопруг Марк Хемптон го чекаат првото заедничко дете. Таа го има седумгодишен син од првиот брак. Кристина и Марк се венчаа во октомври, два месеца откако глумицата објави дека е бремена.
