Во плакарот сите имаме барем неколку модели на фармерки, но со оглед на тоа дека почнува нова сезона, пожелно е да ја освежите колекцијата со некои нови предлози.
Оваа есен ни носи поинакви модели на пантолони од оние на кои сме навикнати: т.н. скини џинс го менуваме со широки и вреќести модели. Покрај широките ногавици, дизајнерите предлагаат модели со висока половина. Високата половина последниве неколку години е актуелна и на пантолоните и на здолништата, а џинсот со висока половина и широки ногавици оваа есен го заслужува вашето внимание. Еве неколку модели за есента 2020, кои не би смееле никако да ги пропуштите.
