Премиерот Зоран Заев уште пред празниците најави дека Нова година ќе ја пречека во Солун, но не откри повеќе детали. Сепак, Славица, сопругата на брат му Вице, на својот фејсбук-профил објави семејна фотографија од пречекот на Нова година во еден елитен ресторан во Солун, на која се премиерот со сопругата Зорица и брат му Вице со жена му Славица. На фотографијата се и соработници на Заев и нивни пријатели.
Претходно Заев се сретна со градоначалникот на Солун, Јанис Бутарис. Медиумите во Македонија и Грција ја проследија средбата со голем интерес, но двајцата политичари изјавија дека тоа била вечера меѓу дамнешни пријатели и дека воопшто не се разговарало за политика.
