Македонскиот и светски пијанист, Симон Трпчески одржа концерт во местото Секирник, во Општина Босилово струмичко од каде потекнува неговата мајка Нетка.
И стари и млади се собраа во претесниот двор на училиштето „Кирил и Методиј“ и околу два часа уживаа во звуците кои изобилуваа со македонски и етно елементи на традиционалната музика.
„Единствено, неповторливо, уникатно. Светско, а наше. Вакво нешто ретко се доживува во нашата општина“, рече градоначалникот на Босилово, Ристо Манчев, а Трпчевски по концертот рече дека треба да си ги негуваме своите корени.
Концертот беше дел од манифестацијата Културно лето Босилово 2023 и со истиот Трпчески и „Македонисимо“ ја започнаа балканската турнеја во која се планирани настапи во Хрватска, Србија, Словенија, Црна Гора и Романија.
За потсетување, Трпчевски лани, „Македонисимо“ го престави во родното село на тако му, струшко Збажди, на планината Караорман.
Фото: Фејсбук
