И познатите не му одолеаја на денот на шегата, па се маскираа за 1 април. Некои од нив ставија маски заради своите мали деца, а други затоа што го сакаат денот на шегата. Сите тие се маскираа и излегоа преправени на улиците и во кафулињата каде што имаше организирани маскенбали. Фотографиите од своите маски ги споделија со своите пријатели и следбеници на социјалните мрежи.
Елена Петреска, Тамара Тодевска, Виктор Апостоловски, Панчо од ДНК и Слаткар се само дел од оние што вчера се вратија во детството. Имаа интересни и креативни маски, секој по свој вкус. Слаткар напиша дека сака да има афро-фризура, а Антонија Гиговска се пофали дека самата си ја измислила маската.
