Поранешната манекенка Александра Накова-Гајдаџиев денес е уапсена во Гевгелија оти наместо да е во самоизолација таа отишла на базен, пишува „А1он“, повикувајќи се на извори од МВР. Оттаму потврдиле дека Накова е спроведена во државен карантин, а дека ќе биде известен и јавен обвинител.
„На базен во Гевгелија, не придржувајќи се до одлуката на Владата и до решението за самоизолација од државен санитарен и здравствен инспекторат, а поради постоење на сомневање дека е сторител на казниво дело по чл.205 и чл.206 од Кривичниот законик, лишено од слобода е лицето А. Г (31) од Гевгелија. По комплетирање на настанот, за лицето ќе биде изготвена соодветна кривична постапка“, рекле од МВР.
Неофицијално, Накова од Гевгелија ќе биде спроведена во државен карантин во Скопје.
