Сапуницата меѓу Бритни Спирс и Сем Асгари станува се поинтересна. Имено, поп пејачката се разделува од сопругот поради наводна афера со член на нејзиниот персонал кој наводно има криминално минато, ексклузивно дознава „Пејџ Сикс“. И додека процесот на развод е сè уште во тек, се шпекулира дека Спирс го изневерила сопругот со мажот по име Пол Ричард Солиз, 37-годишен кој работел за неа речиси една година. Неговите задачи вклучувале чистење на тоалетите, бришење на подот и собирање на ѓубрето.
Извор близок до нив тврди дека Бритни и овој човек многу се зближиле.
„Загрижен сум. Причината за загриженост е тоа што човекот бил ангажиран без проверка на позадината, што е сосема…криминално“, рекол тој.
Како што понатаму пишува гореспоменатиот портал, Солиз повеќе пати бил обвинет за разни прекршоци, па дури и за кривично дело. Така, тој во април 2014 година е осуден по една точка за нарушен јавен ред и мир, имал и кривична пријава за загрозување на дете, која според судската евиденција била отпуштена поради спогодба. И тоа не е се. Тој бил осуден за возење без дозвола во 2016 година, додека посебната пријава за возење со суспендирана дозвола била отфрлена поради преговори за признавање вина. Последниот конфликт со законот го имал минатата година кога веќе работел за позната пејачка. Во декември 2022 година е осуден за кривично дело поседување огнено оружје.
Иако Солиз е отпуштен, извори откриваат дека поп принцезата продолжува да поминува време со бившиот измамник и не се труди да го скрие нивното пријателство. Откако минатата недела се појавила веста за нејзиниот развод со 29-годишниот Асгари, пејачката во неколку наврати била забележана наоколу со мистериозниот маж. Сепак, се уште не е потврдено дали навистина се работи за Солиз.
Да потсетиме дека странските медиуми претходно пишуваа дека Бритни наводно го изневерувала Асгари за време на нивниот едногодишен брак, но овие тврдења се уште не се потврдени. Извори за „Пејџ сикс“ изјавиле дека пејачката се изолирала од пријателите и семејството во овој тежок период од нејзиниот живот бидејќи сега можеби бара од Солиз друштво и поддршка. Деновиве, Бритни наводно им се доверува само на своите адвокати, менаџерот и повремено на постариот брат Брајан Спирс, кој често „останува со неа и и помага со нејзиниот терапевт“.
„Пејџ сикс“, исто така, пишува дека пејачката е веќе позната по тоа што дозволува сомнителни ликови да се инфилтрираат во нејзиниот близок круг на луѓе во чувствителните периоди од нејзиниот живот. Имено, откако во 2006 година раскина со Кевин Федерлајн, со кого има два сина, Сем Луфти – човекот кој тврдеше дека е нејзин поранешен менаџер – стана клучна фигура во нејзиниот живот. Во 2008 година, судијата нареди забрана за задржување на Луфти поради тврдењата дека тој наводно ја дрогирал и вербално ја малтретирал поп пејачот. Неговата забрана беше продолжена за уште пет години во 2019 година, бидејќи семејството на Бритни тврдеше дека поранешниот менаџер им испраќал вознемирувачки и заканувачки пораки и ги омаловажувал на социјалните мрежи.
