Моделот на џинс и панталони, што беа популарни во 60-те и 70-те години, а се со висок струк и во крој со суптилна „ѕвонеста” форма, се добар избор кога сакате визуелно да ја издолжите вашата фигура.
Честопати нивната должина е до земја, ги покриваат и чевлите, па на тој начин визуелно се добива впечаток на издолжена силуета.
Инспирирани од естетиката на хипи ерата, оваа пролет повторно ќе бидат актуелни ваквите модели: џинс во темна нијанса, панталони во интензивни бои како портокалова и зелена, но и во пастелни и беж нијанси.
Соодветен избор се и за деловен и за кежуал стајлинг, па вреди да се инвестира во едно вакво пролетно, шик парче.
