Бразилската фудбалска легенда Пеле е роден на 23 октомври 1940 година во Трес Коракоес, град на југоистокот на Бразил. Иако во неговиот извод на родени пишува дека е роден на 21 октомври, фудбалерот тврдел дека тоа не е точно.
Израснал во сиромашно семејство во градот Бауру каде работел во локалните кафулиња. Фудбал научил да игра од татко му. Затоа што не можеле да си дозволат да му купат топка често играл на улица со завиткан чорап. Името го добил од другарите на училиште иако никој не знаел какво значење има.
Најголем дел од кариерата ја минал во Сантос, а за да не избега во странство, власта во Бразил го прогласила за национално богатство. Иако приватноста не му беше исполнета како на Марадона, Пеле имаше турбулентен живот. Се женел трипати, а официјално е татко на седум деца.
Има едно помалку од Аргентинецот. Одбил да ја признае Сандра Мачадо, која ја добил во врска со чистачката во 1964 година. По петгодишна правна битка, судовите во 1996 година пресудиле во корист на Мачадо. Целата приказна е прикажана во книгата „Девојката која кралот не ја сакаше“.
Мачадо починала во 2006 година од рак на дојка на 42 години. Пеле од првиот брак со Роземери дос Реис Чолби во 1966 година има три деца, две девојчиња и еден син. Кели Кристина е родена во 1967, а Џенифер во 1978 година. Синот Едињо го добил во 1970 година.
Во тоа време ја добил и ќерката Флавиа, од вонбрачна врска со новинарката Ленита Курц во 1968 година. За разлика од Сандра Мачадо, Ленита ја признал во 2002 година. Подоцна неговите два внука ќе му замерат што ги напуштил.
Откако се преселил во Космос , семејството во 1975 година се преселило во Њујорк. Децата останале да живеат со мајка им до разводот во осумдесетите години.
Тогаш Пеле се заљубил во младата манекенка Хуху, со која останал во наредните седум години. Подоцна се вратил во Бразил каде минал голем дел од времето со син му. Работел како вратар, но најмногу станал познат поради неговите правни проблеми. Во 2017 година е осуден на 13 години затвор.
Бил обвинет за перење пари со трговија со дрога. Неколку пати бил во затвор пред да му биде доделена условна слобода. Потоа станал технички директор на клубот во Лондрина, во јужната држава Парана.
Вториот брак му е со пејачката Асирија Лемос Сиксас. Се венчаа во 1994 година. Две години подоцна, ги добиле близнаците Џошуа и Селест. Се разделиле по тринаесет години. Во 2020 година Асирија го тужеше за неплаќање алиментација.
Во 2016 година на 75 години, Пеле се ожени со Марсија Цибеле Аоки, 42 годишна деловна жена, која ја запознал во Њујорк во осумдесетите. Повторно се сретнале во Сао Паоло во 2010 година. За третиот брак рече дека му бил последна љубов.
Репрезентативното деби го имаше на натпревар против Аргентина на стадионот Маракана. Бразил загуби со 2:1, а единствениот гол за Бразилците го постигна Пеле на 16 години и влезе во историјата како најмладиот играч кој постигнал гол на интернационален натпревар.
Освои рекордни три Светски првенства во фудбал во 1958, 1962, 1970 година, а учествуваше на четири и стана една од најистакнатите спортски фигури на минатиот век. Во текот на кариерата играше за Сантош и Њујорк Космос. Рекордер е во Бразил по бројот на голови. Има дадено 77 голови во 92 натпревари.
Последниот натпревар за репрезентацијата го игра против Југославија. По пензионирањето, стана амбасадор на ОН и УНЕСКО, но и министер во Бразил, а се пробал и во глумата со Силвестер Сталоне и Мајкл Кејн.
Прошталниот натпревар го одигра во 1977 година со неговиот стар клуб, Сантос против Њујорк Космос. Сите билети беа продадени а Пеле одигра по едно полувреме за двата клуба. Во кариерата, постави рекорд со 1281 гол на 1363 натпревари. 77 ги играше во репрезентативниот дрес.
Во 2000 година, заедно со Марадона, ФИФА ги прогласи за играчи на векот.
