Додека во Холивуд има штрајк и сите снимања се прекинати, актерката Џенифер Гарнер на социјалните мрежи сподели дека готви во слободно време. Идејата за оброк со кој, како што тврди, секој може да се заслади во секое време од денот ја сподели со нејзините обожаватели. Со своите готвачки способности се пофали и нејзината колешка Камерон Дијаз која денеска го прослави својот 51. роденден.
Џенифер ја покажа својата луксузна кујна и направи сладок оброк од грчки јогурт, јагоди, праски, мед и ф’стаци. Таа во видеото го покажа и своето куче, а за оваа прилика избра лежерна бела маичка и долга сукња. Актерката неодамна беше видена во прегратките на нејзиниот поранешен сопруг Бен Афлек, со кој беше во брак десет години. Заедно имаат три деца, ќерката Виолет, Серафина и синот Самуел. Двајцата се разведоа, а актерот сега е во среќен брак со пејачката Џенифер Лопез.
Инаку, на својот Инстаграм профил и Камерон Дијаз покажа како се снаоѓа во кујната. За разлика од колешката Џенифер, таа со обожавателите сподели солен рецепт.
Актерката денеска го прослави својот 51. роденден, а за оваа прилика облече лежерни лесни панталони и сина кошула со пруги. Јадењето што таа го направи се состоеше од лосос, кељ и тропска салса. Камерон исто така им кажа на своите следбеници дека вино најдобро оди со овој оброк.
Да потсетиме, таа во 2013 година ја носеше титулата најплатена актерка во категоријата над 40 години. Потоа, една година подоцна, таа се повлече од филмската индустрија и се посвети на воспитувањето на ќерката и семејството.
Ќерката Камерон ја доби преку сурогат мајка на 30 декември 2019 година, а за неа, пишуваат странските медиуми, дури ни блиски на парот не знаеле.
– Глумата воопшто не ми недостига. Во моментов сум фокусиран на здравјето и сето тоа. Но, што и да правам или ќе направам, мора да биде со страст, нешто што ме прави среќен и нешто што нема да ми биде тешко – изјави тогаш Камерон.
