По две години пауза поради короната, матурантите од средните училишта од Скопје денеска играа квадрил на плоштадот Македонија.
На матурската парада учествуваа матурантите од 14 скопски училишта, и тоа: „Раде Јовчевски-Корчагин“, „Панче Арсовски“, „Браќа Миладиновци“, „Георги Димитров“, „Д-р Панче Караѓозов“, „Васил Антевски-Дрен“, „Владо Тасевски“, „Димитар Влахов“, „Орце Николов“, „Лазар Танев“, „Шаип Јусуф“, „Јосип Броз Тито“, „Кочо Рацин“ и „Марија Кири-Склодовска“.
Освен скопските матуранти, оваа година на матурската парада учествуваа и нивните врсници од триесетина градови во Словенија, Словачка, Србија, Црна Гора, Унгарија.
Во изминатите години учениците од стотина градови од Северна Македонија, Австрија, Албанија, Босна и Херцеговина, Бугарија, Италија, Романија, Словенија, Србија, Украина, Унгарија и од Хрватска седум пати поставија Гинисов рекорд во истовремено синхронизирано играње ист танц – квадрил.
Вкупниот број учесници на матурската парада во изминатите години во сите градови е над 500.000 матуранти.
