По долго и тешко боледување на 59-годишна возраст почина познатиот хрватски режисер Лукас Нола.
Хрватскиот филмски режисер Лукас Нола, добитник е на повеќе награди, меѓу кои и Златната арена во Пула. Тој починал по долго и тешко боледување во Загреб.
Лукас Нола е роден во 1964 година во Загреб, каде што дипломирал во 2003 година за филмска и ТВ режија на Академијата за драмски уметности. Се вработил како вонреден професор на овој факултет.
Дебитирал со телевизискиот филм „Додека никој не гледа“ од 1993 година, а потоа следувале филмовите „Секогаш кога се разделуваме“ (1994), за кој ја доби хрватската државна награда „Владимир Назор“ во 1995 година и „Руско месо“ (филм и телевизиски серии од 1997 година), за што ја доби истата награда во 2001 година.
За играниот филм „Секогаш кога се разделуваме“ во Пула ја доби Златната арена за сценарио во 1994 година, а за филмот „Небо, сателити“ во 2000 година ја доби Златната арена за режија, а за филмот „Сам“ во 2001 година, Специјалната златна арена. Подоцна се сврте кон уметничкиот филм во делата „Небо, сателити“ (2000) и „Сам“ (2001), а ги режираше и играните серии „Операција Кајман“ (2007) и „Чувар на замокот“ (2017).
Нола зад себе ја остави сопругата Барбара Нола, позната хрватска актерка со која има две деца Јаков и Мара.
