Во раните утрински часови на плажата Бондај во Сиднеј повеќе од 2.500 волонтери позираа голи за уметничко дело чија цел е кревање на свеста за ракот на кожа. Волонтерите почнале да се собираат на плажата во 3:30 часот за да земат учество во проектот, додека властите дале специјална дозвола за проектот, со што на оваа популарна плажа за првпат имало јавна голотија.
Инсталацијата е на американскиот уметник Спенсер Туник, кој преку ова дело сакал да ги охрабри Австралијанците да одат на редовни прегледи на кожата.
Според Светскиот фонд за истражување на ракот, Австралија е најпогодената земја од ракот на кожа. Се проценува дека околу 2.500 Австралијци годишно умираат од оваа болест.