Ракометниот клуб од Мексико кој го носи името Вардар по македонскиот клуб, доаѓа во Скопје на обука кај најтрофејниот клуб. Ракометните успеси на Вардар се познати и во Европа, но и светот, па во Мексико веќе е формиран клуб со истото име. Вардар Мексико наскоро ќе се сретне со наш Вардар.
„Од 9 до 16 септември, ракометари и тренери од нашата академија ќе бидат во Скопје, каде ќе одржат тренинзи и подготвителни натпревари. Возбудени сме што ќе ја посетиме Македонија за првпат и ќе се сретнеме и ќе учиме за врвниот ракомет. Посебна благодарност за извршниот директор Борко Ристовски за поддршката која ни ја даде. Се гледаме во Македонија“, рекоа од „Вардар Мексико“.
