Дванаесеттиот албум на Шакира, добитник на Греми и латински Греми, Las Mujeres Ya No Lloran ќе излезе на 22 март. Ова е нејзиниот прв албум по седум години и е светол доказ за издржливоста и силата на Шакира и моќта на музиката да ги трансформира и најтешките искуства во драгоцени моменти.
„Создавањето на овој албум беше алхемиски процес. Пишувајќи ја секоја песна се обновував. Додека ги пеев, моите солзи се претворија во дијаманти, а мојата ранливост во сила“, изјави Шакира за албумот.
Новиот албум вклучува 16 песни – 8 нови, плус ремикс и 7 претходно објавени хит синглови, меѓу кои: Music Sessions Vol. 53 со Бизарап, TQG со Карол Џи, Te Felicito со Рау Алехандро, Copa Vacía со Мануел Туриз. Седумте претходно објавени песни веќе имаат вкупно 3,7 милијарди пуштања на Spotify.
TQG и Vol. 53 дебитираше на глобално ниво. Vol. 53 е најстримуваната песна на шпански јазик во еден ден во историјата на Spotify. Шакира и Бизарап, исто така, освоија латино Греми во 2023 година за песна на годината и најдобра поп песна.
