„Си-ен-ен“ го избра божиќниот базар во Загреб меѓу најдобрите во Европа

By

„Си-ен-ен“ го стави „Адвент“ во Загреб на листата најдобри божиќни базари во 2022 година. Со два исклучоци, на листата на најдобрите божиќни базари се најдоа 15 европски градови познати по својата празнична атмосфера, а меѓу нив е и Загреб.

dobivaj vesti na viber

„Загреб Адвент“ се најде на престижната листа. „Главниот град на Хрватска е полн со празнични активности, а „Адвент“ во Загреб е несомнено најистакнат настан“, пишува Си-Ен-Ен, додавајќи дека е јасно зошто загрепскиот „Адвент“ три години по ред е прогласен за најдобар во Европа.

„Хрватскиот главен град навистина добива нова димензија за време на празниците. Само помислете на живите сцени на раѓањето на Христос, скулптурите од мраз, изведбите на отворено, скокачките барови и божиќниот трамвај со Дедо Мраз и неговите џуџиња“, пишува Си-ен-ен.

Една од посебностите на ова случување во Загреб е веселбите на кои се танцува на улица додека се вкусува уличната храна и слушаат музика во живо.

Заедно со загрепскиот „Адвент“, на списокот на Си-Ен-Ен се најдоа и други европски градови. Според Си-ен-ен, најубавите божиќни пазари оваа година се во Виена, Базел, Стразбур, Брисел, Прага, Барселона, Фиренца, Копенхаген, Талин, Стокхолм, Хелсинки, Будимпешта, Берлин и Лондон. Заедно со оние во европските градови, на листата се и саемите во Торонто и Њујорк.

Ќе ви се допадне