Десетина китови биле снимени со дрон во близина на островот Вис, кои најчесто доаѓаат на Јадранот во потрага по храна.
„Го снимивме вчера пред Комиже. И уште едно видео каде што подобро можете да ја видите точната позиција каде се снимени. Прво снимивме група од 3-5 единки, по 15-тина минути забележавме уште една со слична големина. Ова видео е снимено 20-тина минути по спојувањето на двете стада и има околу 10 единки“, изјавил Бранимир Биочиќ, кој бил сведок на оваа неверојатна сцена за Моркси хр..
Станува збор за кит со перки или голем северен кит. Тој е најблискиот роднина на синиот кит и после него е следното најголемо животно на Земјата.
„Оделе од правец на Ластово кон Барјаци. Кога почнавме да ја снимаме таа прва група и и пријдовме со дрон, тие нурнаа и ги немаше околу 10 минути. Возевме по нив бидејќи не беа далеку од нас“, раскажал Биочиќ.
Големите северни китови се заштитени со закон и се на листата на загрозени видови. Најчесто доаѓаат на Јадранот во потрага по храна, најчесто за ситни риби и планктонски ракчиња. Големиот северен кит е во просек долг 20 метри и тежок 70 тони.
„За време на риболовот ја доживеавме неверојатната убавина на островот Вис од птичја перспектива со снимки од дрон. Снимајќи го кристално чистото море и вовлеченото крајбрежје, бевме сведоци на импресивна глетка на китови во нивното природно живеалиште. Бевме хипнотизирани“, изјавил Стефан Торес, кој го направил видеото.
Китовите со перки живеат во групи од 5 до можеби 10 животни. Во времето пред големиот лов на китови, постоеле групи на китови со перки со до 300 животни. Китовите со перки пливаат побрзо и нуркаат подлабоко од повеќето други големи китови.
