Поп-ѕвездата Severina уште еднаш покажа дека знае како да привлече внимание, појавувајќи се во впечатлива модна комбинација на роденденската прослава на својата блиска пријателка Соња Дворник во Сплит.
Северина пристигна видно расположена и во одлично друштво – придружувана од својот син Александар, внуката Миа и долгогодишната пријателка и кума Андреа Чермак, што на целата вечер ѝ даде посебна, речиси семејна атмосфера.
Прославата беше исполнета со емоции, музика и смеа, а пејачката не криеше колку ѝ значи славеничката. Во емотивна порака споделена на социјалните мрежи, таа ја нарече Соња „кралица на Сплит“, истакнувајќи дека би отишла „до крајот на светот“ за неа.
Сепак, најголемо внимание привлече нејзиниот стајлинг. Северина избра елегантен црн фустан со долги ракави и висока јака, кој совршено ја следеше линијата на телото. Смелиот крој со проѕирни детали на половината и суптилни копчиња му даде модерен и футуристички шмек, додека минималистичкиот накит и софистицираната фризура го заокружија изгледот.
Фотографиите и видеата од вечерта покажуваат опуштена и весела атмосфера – Северина позира со гостите, се смее и ужива во секој момент, додека прославата се претвора во вистински спектакл.
Комбинацијата од гламур, стил и искрено пријателство ја одбележа вечерта, уште еднаш потврдувајќи дека Северина знае како да направи секој настан незаборавен.
