Пред деветнаесет години ракометарките на „Ѓорче Петров“ ја израдуваа Македонија донесувајќи им ја првата европската титула. Незаборавната „Кометал, шампионе“, кога салата „Кале“ крцкаше до последното место, и денес е приказна за која се зборува.
Во епското финале против Ференцварош Херц, „кометалки“ славеа со 26:22 и ја надоместија предноста од два гола откако претходно беа поразени со 27:25.
Гордана Нацева, Индира Кастратовиќ, Олга Бујанова, Луминица Дину, Оксана Плочиска, Ирина Калиниченко, Анжела Платон, Милева Велкова, Мирјана Чупиќ, Андријана Будимир, Ларса Ферзалиева, Ања Андрушенко, Наталија Малахова и Елена Златановска го остварија до тогаш најголемиот успех во историјата на македонскиот спорт.
Овој неверојатен состав освои пехар во Лигата на шампионите, 17 пати стана шампион на Македонија и освои 16 трофеи во Купот на нашата земја.