Во светот постои бизарен тренд во кој идните родители за откривање на полот на бебето бојадисуваат гулаби во розова или сина боја. Овој тренд од Западот е прифатен и во Србија и како што вели српскиот голубар Никола Јовановиќ е опасен доколку самите ги бојадисаат гулабите.
Тој објаснува дека не го поддржува овој нов тренд, но дека доколку веќе се купени гулаби за оваа намена, најдобро е да се обратат кај гулабарор и љубителите на гулаби, а не корисниците сами да ги ловат.
„Нема некој кој професионално ги бои гулабите, но има одредени бои кои првенствено се наменети за љубителите да ги заштитат своите гулаби од предатори. Најчеста е розовата, може да биде и сина и зелена. Ги означуваме гулабите на тој начин, бидејќи е неприродна боја и затоа предаторот не реагира на таков гулаб кога ќе наиде на стадо, односно го избегнува гулабот поради неговата неприродна боја. Нам како одгледувачи ни е полесно да го идентификуваме и следиме во споредба со другите стада“, објасни тој.
Јововиќ додава дека споменатиот тренд е опасен доколку луѓето сами го бојадисаат гулабот бидејќи, како што вели, спрејот што го има на пазарот и кој се користи за бојадисување гулаби не предизвикува никаква штета, а доколку се користи некоја друга боја може да предизвика лепење на пердувите на птицата, па и смрт.
