(Видео) Десетици повредени за време на пукотници на концерт во Њујорк

Десетици лица се повредени за време на пукотници на рап концерт во Рочестер во близина на Њујорк. Една жена настрадала, две се животно загрозени, а седумина се хоспитализирани од повредите со кои се здобиле, соопшти американската полиција.

„Посетителите на концертот на кој настапиле рапери од Мемфис, почнале да бегаат кога ги слушнале пукотници. Толпата се упатила кон излезот околу 11 часот“, рече шефот на полицијата Дејвид Смит.

„Засега немаме никаков доказ дека станува збор за пукање и дека некој е погоден од куршуми или избоден на местото на настанот“, дополни тој.

Полицијата се пробила во просторот каде се одржувал концертот и наишла на три тешко повредени жени. Една на возраст од 33 години починала во болницата, а другите две со во критчна состојба.

Повредени се уште седумина кои исто така се хоспитализирани, но се надвор од животна опасност.

Според полицијата засега нема докази дека станува збор за пукотници од огнено оружје. Полицијата истражува уште неколку можни сценарија за кои смета дека предизвикале паника кај публиката како на пример употреба на бибер спреј или други фактори.

Градоначалникот на Рочестер, Малик Еванс го нарече смртоносниот метеж за неприфатлив и вети детална истрага. Допрва ќе се утврди дали организаторите на концертот примениле соодветни безбедносни мерки со оглед на тоа дека се работи за голема топла на народ.

Паничното туркање и метежот на концертите се случуваат низ целиот свет. Последен со смртоносни последици беше оној на раперот Тревис Скот во 2021 година, во кој загинаа десетина луѓе.

Поврзани вести

Scroll to Top