Речиси целата сириска територија е слободна, вклучително и христијанските подрачја

By

Речиси цела територија на Сирија, вклучувајќи ги и историски христијанските региони, се ослободени од терористите, изјави претседателот на Русија, Владимир Путин.

Тој ја нагласи важноста на враќањето на мирот, кој треба да им овозможи на бегалците од сите вери да се вратат дома.

„Ситуацијата во Сирија целосно е сменета. Сириската војска, со поддршка на руската војска, ја ослободи од терористите речиси цела територија, вклучувајќи ги и историски христијанските подрачја“, изјави во понеделникот Путин на состанокот со челниците на Православното христијанско собрание.

Москва ќе помогне да се обноват светите места не само на сириските христијани туку и на муслиманите и Евреите, наведе рускиот лидер.

„Ние ќе им помогнеме и на членовите на другите вери, муслимани, кои, како што добро сме свесни, исто така страдаа во рацете на бандитите, терористите и радикалите“, изјави Путин.

„Ние ќе им помогнеме и на Евреите. Голем број организации веќе нè контактираа со повик за помош и обновување на еврејските свети места“.

Претседателот на Русија го повтори значењето на работните општини кои ги создадоа Руската православна и Римокатоличката црква. Целта на работната група е да се состави листа на уништени храмови во Сирија и подготовка за нивна обнова.

Враќањето на христијанските жители, како и бегалците од другите вери би можело да игра клучна улога во обновата на мирниот живот во земјата, истакна Путин.

„Во текот на последните неколку години руската држава заедно со Руската православна црква, како и други верски организации ја осигураа хуманитарната помош на Сирија. Многу е важно што побрзо да се воспостави мирен живот за луѓето да можат да се вратат во своите татковини и да почне обновата на храмови и цркви“, изјави Путин.

Минатиот месец рускиот началник, главниот стожер Валериј Герасимов, изјави дека на активната фаза на противтерористичките операции на Русија во Сирија ѝ се ближи крајот. Три земји, Турција, Иран и Русија, се на состанок во Сочи на 21 ноември, каде што се вложија заеднички напори со кои би им се помогнало да се сочува суверенитетот и територијалниот интегритет на Сирија, да се спречи граѓанската војна и да се создадат услови за враќање на мирот, наведе Герасимов.

 

 

 

 

Ќе ви се допадне

AnimeHeaven one piece anime heaven: Watch Gintama Episode 83

GoGoAnime gogoanime twitter: Watch Boruto: Naruto Next Generations (Dub) Episode 58 (https://gogoanime.be/m/Llga/ep-58)