Меркур, планетата на логичното размислување, го менува знакот на 8 јануари и влегува во Јарец, каде што ќе остане до 28 јануари. Меркур во Јарец ќе биде поволен за Јарците, Биковите и Девиците, па може да очекуваат позитивни исходи од преговорите.
Меркур во Јарец носи енергија која се карактеризира со практичност, дисциплина и ориентација кон целта. Луѓето со оваа позиција на картата на раѓање често размислуваат на методичен и логичен начин, фокусирајќи се на конкретни резултати и остварливи планови.
Нивната комуникација е јасна, промислена и често фокусирана на практични теми, а понекогаш може да изгледа сериозна, па дури и воздржана.
Овие луѓе често имаат природно чувство за одговорност и тенденција да преземат водство во интелектуални или професионални ситуации. Нивните аналитички вештини и способност да обрнат внимание на деталите ги прават одлични планери и организатори. Сепак, понекогаш можат да бидат склони кон песимизам или прекумерна сериозност, што може да го отежне спонтаното во секојдневниот живот.
Меркур во Јарец дава можност идеите и плановите да се претворат во конкретни чекори, но и тенденција се да се оценува низ призмата на долгорочните придобивки.
Овие луѓе често ја ценат супстанцијата повеќе од формата, што им овозможува да се фокусираат на она што е навистина важно, игнорирајќи ги ирелевантните детали. Нивниот начин на размислување може да биде традиционален, со акцент на докажани методи и структури.
