Жените конечно решија да го прекинат молчењето и да го покажат своето „вистинско“ лице, велејќи дека природното стареење е сосема во ред и дека секоја брчка е доказ дека живееле.
Со години, социјалните мрежи нè преплавуваат и со козметички препарати за „одржување на младешкиот изглед“ и со оние совршени дами кои изгледаат беспрекорно 24 часа на ден. И ни наметнуваат стандарди за убавина, нè тераат да се чувствуваме помалку пожелни, да се прашуваме зошто не сме како нив или, уште полошо, да бидеме незадоволни од нашиот изглед, па дури и да потонеме во депресија.
@sarahthesolver I am grateful to get the opportunity to age. I’m proud of who I am and how I look. I am 37 and couldn’t be happier 🥰 #age #growing #growingup #lovemyself #selflove
И беше крајно време да се спречи тоа. Сега сме сведоци на сè почеста промоција на природниот изглед и сè повеќе (познати) жени се откажуваат од шминка.
Трендот што ја слави вистинската убавина го зазеде и TikTok, најпопуларната мрежа, каде што жените сега го покажуваат своето целосно природно лице – и не се срамат од своите брчки и од своите години.
@abs_jabs95
Време е да признаеме дека лицето на жена во четириесеттите и педесеттите години не може да изгледа како лице на жена во дваесеттите години – може, но со помош на филтри и апликации за убавина – и зошто да си го правиме тоа самите на себе? Зошто да го поправаме она што ни го дала природата и да се криеме зад лажна слика што ќе ја претставиме на јавноста, наместо да уживаме во себе какви што сме.
@amy_lou89 Do you think I look 35? 🙈 #age #lookmyage #fyp #trendin #over30 #over30sclub #justagirl #randomvideo
„Имам 48 години и изгледам како 48 и сум сосема во ред со тоа. Треба слободно да изгледаме на нашите години без срам или притисок да го скриеме. Стареењето е природно💛“, напиша една од жените.
Неколку искрени жени го поддржаа овој тренд и го прекинаа молчењето за да ја вратат реалноста на виделина. Тие не сакаат да изгледаат ниту помлади ниту постари, тие се сосема во ред со својот изглед и возраст и го покажуваат своето лице без комплекси.
Значи, не заборавајте дека не треба да го „поправате“ вашето лице за да се вклопите во општеството и да наметнувате идеали и да ги туркате стандардите. Ништо на вашето лице не е погрешно, сè е таму затоа што треба да биде – секоја брчка кажува дека сте се смееле, плачеле, сте се плашеле, сте се бореле, сте живееле…
