Цинкот е минерал кој треба да се консумира во текот на целата година, особено кога доаѓаат постудените денови, бидејќи тогаш телото е многу поподложно на вирусни инфекции и бактерии.
Ејми Кудсон, нутриционист, за магазинот „People“ објаснила зошто е важно да се консумира цинк и во која храна се наоѓа. Тој вели дека цинкот е суштински минерал кој игра клучна улога во многу функции на телото како што се заздравувањето на раните, синтезата на ДНК и клеточната делба.
Овој минерал е особено важен за имунитетот бидејќи помага во активирањето на Т-лимфоцитите, познати и како Т-клетки, кои се клучни во одбраната на телото од патогени.
Џерлин Џонс, нутриционист, го опиша цинкот како имунолошки заштитник кој делува како антиоксиданс.
Препорачаната дневна доза на цинк е осум милиграми за жени и 11 милиграми за мажи. На бремените жени им требаат 11 милиграми дневно, а на доилките 12 милиграми. Доколку сакате да внесувате доволно цинк, најдобриот начин е преку храната.
Цинкот е важен минерал за имунитетот, здравјето на кожата, растот и обновувањето на клетките. Ова се намирници кои се богати со цинк:
Месо: Говедско, свинско и пилешко содржат големи количини на цинк.
Морска храна: остригите се меѓу најбогатите извори на цинк, а добри извори се и раковите и школките.
Млечни производи: Млекото, сирењето и јогуртот обезбедуваат добра количина на цинк.
Цели зрна: Овесот, пченицата, киноата и кафеавиот ориз содржат цинк.
Јаткасти плодови и семки: бадеми, индиски ореви, кикиритки, тиква, сусам и чиа семе.
Грав и мешунки: особено наут, леќа и црн грав.
Јајца: Помали количини на цинк се наоѓаат и во јајцата.
Зеленчук: Спанаќот, брокулата и печурките содржат помали количини цинк, но се добар додаток во исхраната.
