Веројатно сте слушнале дека здравјето на вашите нокти може да влијае на здравјето на целото тело. Но, тоа не е единствената причина да ги одржувате вашите нокти во врвна состојба. Ноктите ги штитат и помеките ткива на прстите на рацете и нозете.
Добрата вест е дека постојат неколку хранливи материи кои можат да ви помогнат да имате поцврсти, поздрави нокти, а ги има во многу различни намирници.
Целокупното здравје на вашите нокти може да ги одразува вашите навики во исхраната, вели нутриционистот Дестини Муди.
„Ако не внесувате доволно железо, биотин, магнезиум, цинк или витамин Ц во вашата исхрана, тоа се рефлектира во вашите нокти“, вели Муди.
На пример, недостатокот на хранливи материи може да предизвика жлебови или нокти во облик на лажица, или вашите нокти може да станат кршливи.
Иако додатоците може да изгледаат како вистински начин, експертите советуваат дека е поважно да ги добивате овие хранливи материи од храната секогаш кога можете.
„Храната обезбедува витамини и минерали кои се придружени со други корисни соединенија како што се влакна и антиоксиданси“, вели диететичарот Саманта Меклаод.
И покрај она што можеби сте го виделе или прочитале на интернет, нема многу научни истражувања за специфични додатоци за здравјето на ноктите, додава таа.
Грчки јогурт
„Ноктите се направени од протеин наречен кератин, истиот протеин кој се наоѓа во вашата коса. Кератинот се смета за „мртво“ ткиво бидејќи вашата коса и нокти не добиваат никаков проток на крв или нервни импулси, па можете да ги исечете и да ги мачкате без проблем“, вели Муди.
Со 21 грам висококвалитетен протеин по чаша, обичниот грчки јогурт е лесен начин да го добиете протеинот што ви е потребен за градење на вашите нокти.
Говедско месо
Можеби црвеното месо има свои критичари, но не заборавајте дека говедското месо е и извор на многу важни хранливи материи, особено железо.
Иако железото најчесто се поврзува со енергија, неопходно е и за здрави нокти. Всушност, кога луѓето развиваат анемија од дефицит на железо, тие се склони кон состојба наречена коилонихија, која се карактеризира со тенки нокти со подигнати гребени.
Пиперка
Витаминот Ц му помага на вашето тело да произведува колаген, протеин што вашето тело го користи за да изгради силни нокти.
Кога мислите на витамин Ц, веројатно помислувате на портокали и други агруми. Но, постојат многу зеленчуци кои обезбедуваат многу витамин Ц, особено пиперката. Само една средна пиперка содржи повеќе витамин Ц отколку што му е потребно на еден човек за цел ден, пишува „Eating Well“.
Грашок
Грашокот обезбедува комбинација на протеини и витамин Ц што ги поддржува ноктите, вели Муди.
„Хранливите материи како витаминот Ц имаат единствена улога во метаболизмот на протеините. Многу е важно да ги внесувате во доволна количина. Нејадењето доволно протеини може да влијае на здравјето на вашите нокти, додава таа.
Една чаша грашок обезбедува девет грама протеини и 57 милиграми витамин Ц.
Јајца
Веројатно веќе знаете дека јајцата се фантастичен извор на протеини. Тие се исто така преполни со биотин, витамин кој често се користи за неговите способности за зајакнување на ноктите.
Иако истражувањата за биотинот и здравјето на ноктите се ретки, постојат докази дека биотинот помага да се изгради кератин. Така, храната богата со биотин како јајцата не може да наштети (едно големо јајце обезбедува третина од вашата дневна доза).
Лосос
Оваа масна риба е одличен избор за здравјето на вашето срце и мозок, како и за вашите нокти. Покрај тоа што обезбедува 18 грама протеини на порција од 85 грама, тој е богат и со биотин, пренесува N1 Загреб.
