Инфлуенсерката Аликс Ерл не ги крие акните. Во услови на „тешка појава на акни“, 24-годишната популарна инфлуенсерка реши да ја остави шминката дома за време на викенд патувањето во Њујорк.
@alixearle Always end the day snuggling w kristi
Споделувајќи фотографии од нејзините несовршености во објава на Инстаграм, Ерл напиша долга објава во која призна дека „ние сме самите наши најлоши непријатели“. Интернет сензацијата продолжи: „Како некој кој се борел со кожата уште од средно училиште, шминката отсекогаш ми била безбедно засолниште кога станува збор за чувството на сигурност и самодоверба кога излегувам од дома“.
За време на престојот во Њујорк, Ерл посетила дерматолог, кој и направил екстракција на кожата за да ги исчисти нејзините пори. „Проблемот обично е што веднаш влегувам во мојата рутина, која вклучува шминкање за да го прикријат црвенилото (особено кога одам на вечери или настани)“, објасни Ерл во описот.
Меѓутоа, на нејзиното викенд патување, таа реши да ги прескокне производите за лице за да и даде одмор на кожата. „Звучи драматично, но бев исплашена и чувствував дека единственото нешто на што луѓето ќе обрнат е мојата кожа“, додаде таа.
„После 3 дена излегување без шминка, покажувајќи ја мојата вистинска кожа… Сфатив дека никому не му е гајле и никој не ни забележува. Затоа што, на крајот на денот, шминкањето на акните само за потоа да ги иритирам не е за мене“, рекла таа. Ерл ја заврши објавата велејќи дека искуството било „ослободувачко“, охрабрувајќи ги другите да го следат нејзиниот пример. „Вистинската кожа е убава“, заклучила таа.
24-годишната Аликс стана позната благодарение на „Тик-ток“. На таа платформа моментално има над 7 милиони следбеници, а секојдневно со нив споделува по неколку видеа.
