Многумина мислат дека добриот сексуален однос зависи само од физичката привлечност, но експертите велат дека клучни се комуникацијата, вниманието и емоционалната поврзаност. Според текст објавен во странски медиуми, постојат повеќе знаци кои можат да покажат дека интимниот однос не функционира најдобро, а дел од нив луѓето често воопшто не ги забележуваат.
Еден од најчестите показатели е недостатокот на ентузијазам и интерес за интимност. Ако некој го доживува сексот како обврска, а не како блискост и уживање, партнерот тоа лесно може да го почувствува. Експертите велат дека љубопитноста, опуштеноста и желбата за поврзување играат голема улога во квалитетот на врската.
Како проблем се посочува и претераната несигурност и срам од сопственото тело или сексуалност, бидејќи тоа често води кон тензија, дистанца и постојано преиспитување за време на интимноста.
Според анализата, луѓето кои секогаш инсистираат на иста рутина и однапред испланирани сценарија можат да создадат чувство на монотонија кај партнерот. Недостатокот на спонтаност, како што се наведува, често ја намалува возбудата во врската.
Еден од најважните фактори е комуникацијата. Ако никогаш не се разговара за тоа што му одговара на партнерот, што му пречи или што сака, лесно може да дојде до незадоволство и оддалечување.
Експертите предупредуваат и дека емоционалната дистанца по интимноста може да остави впечаток на ладност. Краток разговор, прегратка или внимание по блискоста често имаат големо значење за поврзаноста меѓу партнерите.
Како чести грешки се наведуваат и прескокнувањето на предиграта, фокусирањето само на сопственото задоволство, недостатокот на труд и претераната самоувереност.
Во текстот се нагласува дека добриот интимен однос не е „совршена техника“, туку комбинација од доверба, внимание, комуникација и заемна почит.
Психолозите советуваат дека најважно е партнерите отворено да разговараат за своите чувства и потреби, наместо да претпоставуваат што мисли другата страна.
