Сушењето претставува одличен начин да се продолжи рокот на овошјето, а сепак да се зачува дел од неговиот вкус, арома, и нутритивни вредности. Преку процесот на сушење (отстранување на водата), овошјето има и подолг рок на траење.
Придобивката е тоа што може да стои подолго време од свежото овошје и е одлично за грицкање во услови кога не можете да користите фрижидер за овошјето да ви трае подолго.
Сушеното овошје се смета за одличен извор на растителни влакна, витамини, минерали и антиоксиданти (особено полифенолите). Без разлика дали се додава во леб, овесни снегулки, колачи или се консумира самостојно, сувото овошје е несомнено популарно и ден-денес во целиот свет.
Сушеното овошје има поголема концентрација на глукоза и калории преку дехидрација а ја губи количината на витамини што би ја имало доколку е свежо.
Ако ја надминете препорачаната доза (2-3 смокви, 2-3 урми, 3-4 сливи, неколку суво грозје), ризикувате да добиете вишок килограми. На дијабетичарите не им се препорачува да јадат сушено овошје токму поради нивната висока содржина на јаглени хидрати. Вишок маснотии, покрај маснотиите, сувото овошје може да предизвика проблеми со желудникот, па дури и со бубрезите.
Смокви: содржат витамини (А, Б1, Б2), калциум, железо, фосфор, манган, натриум, калиум, хлор. Калиумот им помага на бубрезите да функционираат нормално и е неопходен за работата на срцето. Неодамнешните студии покажуваат дека калиумот во овошјето и зеленчукот го намалува крвниот притисок. Содржината на омега 3 и омега 6 масни киселини, исто така, помага да се намали ризикот од корорнарна срцева болест.
Суви кајсии
Од сите типови сушено овошје, сувите кајсии се карактеризираат со најголема количина на бета-каротин, антиоксиданс што ги подобрува мозочните функции и го намалува ризикот од појава на дијабетес тип 2. Сувите кајсии изобилуваат со диетални влакна, калиум, витамин Е и бакар. Доколку сте чувствителни на сулфити, конзерванси што го зголемуваат рокот на траење на овошјето, побарајте суви органски кајсии што не биле третирани со овој конзерванс.
Суви сливи
Иако истражувањата покажале дека влакната што се наоѓаат во сувите сливи можат да ја зголемат фреквенцијата на столицата, сепак добро е да се знае дека се одличен избор во случај на нередовна и тврда столица. Тие придонесуваат и за регулирање на крвниот притисок. Сувите сливи се значителен извор и на витамин Б што придонесува за правилен протеински метаболизам.
Суви вишни
Консумирањето суви вишни може да доведе до намалување на болката во мускулите, но и да биде превенција од воспаление. Освен тоа, сувите вишни изобилуваат со витамин Ц и бета-каротин. Бидејќи не секогаш можете да ги најдете, ви препорачуваме да ги исушите во рерна што има функција за сушење храна.
Суви урми
Можеби нема подобро овошје од урмите за моментите кога имаме потреба од нешто благо. Од сите сите суви овошја, урмите се сметаат за еден од најдобрите извори на антиоксиданти. Тие имаат низок гликемиски индекс, па се погодни за луѓето кои имаат проблеми со нивото на шеќер во крвта. Сепак, тие содржат висок процент на шеќер, па нивната консумација треба да биде умерена.
