Холандска компанија создаде апликација под името LegalFling преку која корисниците може да си праќаат покана за сексуален однос бидејќи „сексот треба да биде забавен и безбеден“. Покрај поканата за секс, преку апликацијата може да се побара или да се утврди листа на сексуални преференци и желби, но и „дозволени“ и „забранети“ работи на состанокот.
Корисниците може да се изјаснат дали се согласуваат да се снимаат за време на секс, дали сакаат користење експлицитен говор, користење садо-мазо помагала, користење кондом и дали гарантираат дека немаат сексуално преносливи болести.
Авторите на апликацијата тврдат дека ја направиле со намера да се осигура заемна согласност за секс, но и да се заштитат двајцата партнери пред да се впуштат во сексуален однос. Тоа не се однесува само на врските за една ноќ, туку и за оние што се заинтересирани за долгорочни врски.
LegalFling уште чека одобрување за да биде достапна за симнување преку „Гугл“ и „Ејпл“. Самата идеја наиде на критики на социјалните мрежи, со коментар дека е неетичка.