Двајца пожарникари од Њу Џерси по напорно гасење на пожар цели 12 часа, отишле до локалниот ресторан да се напијат кафе и да појадуваат.
Келнерката Лиз, ги послужила и слушнала дека зборуваат за нивната работа. Откако побарале сметка, Лиз направила нешто неочекувано.
Наместо сметка таа им дала ливче на кое имало порака, а таа гласела:
-Вашиот појадок ќе биде од мене- јас честам. Благодарам што ни служите и што трчате кон местата од кои сите бегаме. Без разлика на вашата позиција и улога, вие сте храбри. Благодарам што сте така „опасни“ секогаш кога има пожар. Одморете се! Лиз.
Пожарникарите и се заблагодариле на Лиз и си заминале дома, каде еден од нив веднаш ја објавил несекојдневната случка и порачал на сите да одат и да го посетат нејзиниот ресторан.
И тука започнало се. Пожарникарот Тим ја побарал на Фејсбук и видел дека има татко кој е инвалид и му е потребна помош, па одлучил и тој да направи нешто за неа.
Напишал дека Лиз има татко кој е неподвижен и му е потребна инвалидска количка, која Лиз не може да си дозволи да ја купи, па корисниците на социјалните мрежи, за само неколку дена на нејзината сметка префрлиле 70.000 долари, многу повеќе од доволно за да му купи количка на својот тако.
-Само ги почастив појадок, не очекував ништо за возврат, но ова е доказ дека луѓето треба да бидат секогаш љубезни- рекла Лиз.
