Еден од двајцата Руси кои британските власти ги сомничат за обид за труење на некогашниот руски шпион Сергеј Скрипаљ и неговата ќерка Јулија во Велика Британија, е доктор кој работел во руската воена известувачка служба, објавува вебсајтот Belingket.
Сајтот Belingket кој се занимава со известувачки прашања, навел дека неговото вистинско име е Александар Јевгенјевиќ Мишкин (39), а не Александар Петров, име под кое Велика Британија го обвини минатиот месец.
Британските обвинители го обвинија Петров и уште еден маж, означен како Руслан Боширов, дека во март оваа година, во Селзбери, со нервниот гас „новичок“, се обиделе да го отрујат Скрипаљ и неговата ќерка.
Белингкет минатиот месец го идентификувал Боширов како полковник ГРУ, чие вистинско име е Анталиј Чепига.
Полицијата во Лондон одбила да ги коментира шпекулациите за вистинскиот идентитет на обвинетиот и повторно верува дека тие користеле лажни имиња.
Русија отфрла секаква вмешаност во труењето на семејството Скрипаљ, а двајцата обвинети во Москва изјавиле дека патувале во Британија како туристи и дека во Солзбери отишле за да ја видат катедралата.
