Рускиот јутјубер Стас Решетников бил уапсен и обвинет за смртта на својата бремена девојка Валентина Григорјева. Според обвинението, тој ја терал Валентина да стои полугола на ладното, а како последица од студеното време таа починала.
Додека ја снимал, тој видеото го пренесувал во живо. Решетников е сопственик на јутјуб-каналот „Рифлај“ и ја терал Валентина да стои надвор, само по долна облека, на температура под нулата.
Негов пријател му платил 30.000 долари да ја снима Валентина на студеното време. Девојката која била во раната бременост починала од хипотермија во својата изнајмена куќа во селото Ивановка, во близина на Москва, пренесува „Индекс.хр“.
Стас продолжил да ја снима Валентина, дури и кога таа речиси била полумртва. Тој потоа ја внел внатре и се обидел да ја оживее.
