Британскиот пејач Морисеј ја обвини „Симпсонови“ за ширење омраза и незнаење откако во една од последните епизоди во анимираната серија е прикажана невкусна пародија од него. Во таа епизода надарената Лиса Симпсон создава нов имагинарен пријател. Станува збор за депресивен, но и харизматичен британски рокер од 80-тите, кој многу личи на Морисеј.
Ликот е наречен Килоугби, чиј глас го позајмува холивудската ѕвезда Бенедикт Камбербач, кој е веган, исто како и Морисеј. Во епизодата Лиса е инспирирана од неговата музика и саркастичните социјални коментари. Но, кога таа ќе дојде на концертот на Килоугби, The Snuffs во денешно време, таа е шокирана и разочарана, што, наместо имагинарниот и полетен пејач, гледа тврдоглав, дебел и пргав месојад.
Морисеј не бил воодушевен од својот лик и смета дека творците на „Симпсонови“ го нападнале безобзирно, гласно и со омраза. Во подолгата објава на својата интернет-страница тој напишал дека сака да поднесе тужба, но дека во светот опседнат со закони за говор на омраза нема кој да го заштити.
Тој додал дека е навикнат на тоа никој да не ги пишува фактите и дека за да се напише сценариото за „Симпсонови“, било потребно само незнаење.
