Голем број од шкотските навивачи се вклучија во акцијата на расчистување на ѓубрето на плоштадот Лестер во Лондон, кое го направија за време на натпреварот меѓу Шкотска и Англија.
Илјадници шкотски навивачи допатуваа во Лондон да ја поддржат својата репрезентација и покрај ковид рестрикциите. Многумина од нив го следеа натпреварот во пабови, а претходно и потоа се забавуваа на улиците и плоштадите. На плоштадот Лестер се собра поголема група шкотски навивачи кои запалија факели и пееја „без Шкотска нема забава“.
Овој натпревар заврши без голови, па Шкоткска има уште шанси за понатамошен пласман во осминафиналето.
