Зара Радерфорд на 19 години со својот авион прелета 51.000 километри и постави светски рекорд како најмлада жена што сама го обиколила светот. Зара, aвијатичарка со белгиско-британско потекло, тргна на пат на 11 август и леташе 155 дена.
Зара ќе влезе и во Гинисовата книга на рекордите откако постави нов рекорд во оваа категорија, што од 2017 година ѝ припаѓаше на 30-годишната американска авијатичарка Шаеста Вајз, објави агенцијата АП.
19-year-old pilot Zara Rutherford just completed a 5-month solo flight around the world – making history as the youngest woman pilot to do so! ✈️🎉 She joins us live to talk about her accomplishment. pic.twitter.com/WRgFS16SpN
— TODAY (@TODAYshow) January 20, 2022
Пред полетувањето Зара изјави дека се надева оти на овој начин ќе им го отвори патот на девојчињата и жените во областа на науката, технологијата, инженерството и математиката и ќе инспирира другите девојки да ги следат нејзините стапки.
„Сакам да летам низ светот. Нека ме видат девојките и нека си помислат: ‘Би сакала и јас да летам еден ден’. Во авијацијата постои разлика меѓу мажите и жените. Мојата цел е да се доближам до рекордите, а потоа се надевам дека други девојки ќе се обидат да го надминат мојот рекорд и ќе почнат да се натпреваруваат со момчињата“, рече таа лани во август.
