Само три дена откако објави дека го изгуби бебето, Бритни Спирс повторно позираше во бикини. Пејачката им се заблагодари на сите за поддршката и објави видео како трча полугола по плажа.
Бритни во видеото зборуваше за романтичното бегство во Мексико со нејзиниот иден сопруг Сем Ашгари, а на моменти додека трча во бикини со рацете ги покрива градите.
„Се обидувам да бидам секси додека трчам како во ‘Бејвоч““, рече Бритни, додека нејзините фанови и напишаа дека се згрозени од нејзиното однесување и дека во овие моменти треба да тагува по изгубеното бебе.
„Девојко те сакаме, но земи си малку време за психички да можеш да закрепнеш. Помина низ толкав број трауми. Можеме ли да престанеме да се преправаме дека ова не е чудно и дека на оваа жена ѝ е потребна помош. Објави дека го загуби бебето, а потоа споделува видеа на кои е полугола додека е на одмор“, ѝ забележаа голем број од обожавателите.
View this post on Instagram
Некои од нив ѝ напишаа дека се молат да е опкружена со луѓе кои работат во нејзин интерес и дека ѝ е потребен адвокат, а не пријатели кои копнеат по слава и пари и куп помошници кои само се покоруваат на нејзините барања.
