Дајана сакала да се убие четири пати, нов документарец за принцезата

By

Новиот документарец на „Нетфликс“ кој беше направен за поранешната принцеза Дајана, открива дека таа сакала да се убие четири пати, додека била во брак со принцот Чарлс, пишува „Дејли Мејл“.

Според британските медиуми, новиот документарец нималку не им се допаднал на принцот Вилијам и Хари. „Нетфликс“ го сними документарецот Being Me: Diana, кој ги следи животните турбуленции на нивната покојна мајка, принцезата Дајана.

Документарниот филм ги изнесува скандалозните тврдења дека принцезата се обидела да се убие четири пати. Продуцентите планираат четири продолженија, а приказната ќе ја следи борбата на Дајана со нејзиното нарушено менално здравје, пореметување во исхраната, несреќниот брак со принцот Чарлс и болното детство.

„Вилијам и Хари се вознемирени и гневни“, изјавил анонимен извор за британските медиуми.

„Нетфликс“ веќе соработувал претходно со Хари и неговата сопруга Меган Маркл, а во моментов се водат преговори за стриминг сервис, поврзан за идните проекти, па се шпекулира дека овој документарец би можел да ги наруши нивните односи.

Документарецот кој се подготвува, наводно ќе прикаже досега невидени снимки од принцезата Дајана во периодот од 1990 година до 1992 година, а ќе ја следи и нејзината внатрешна борба по одлуката да се разведе од принцот Чарлс. Ни кралското семејство, ниту семејството на принцезата Дајана, нема да учествува во документарецот.

Тие одбиле да зборуваат на оваа тема, но познато е само дека одбиле и да снимаат.

 

 

Ќе ви се допадне