Палатите на кралицата Елизабета Втора се обложени со најдобрите свилени материјали, изобилуваат со историски богатства, украсени се со уметнички дела од врвни уметници: Рембрант, Рубенс и Ван Дајк. Овие дворци се изградени пред повеќе векови од неколку кралеви, па затоа имаат различни стилови на ентериерот. Бакингемската палата ги покажува влијанијата на Викторијанството и Едвардијанството, а Сандрингам Хаус е олицетворение на дизајнот на Џекобијанството. Замокот Виндзор, има околу 1.000 соби.
„Бакингемската палата има величествени простории дизајнирани и за забава и зашеметување“, вели уредникот на „Вог“, Хамиш Боулс.
Тие се протегаат над десетици илјади акри во Велика Британија.
Собата 1884, Бакингемска палата
Собата од 1844 година е една од најважните простории во Бакингамската палата. Таму кралицата и другите членови на кралското семејство примаат истакнати посетители, од Обама до актерката и хуманитарка Анџелина Џоли. Оваа просторија не е отворена за јавноста, но благодарение на опциите за фотографии на кралицата и нејзините познати гости, секој сè уште може да погледне како изгледа внатре.
Белата соба, Бакингемска палата
Кралицата Елизабета честопати ја упатува својата божикна порака од оваа просторија.
Соба со престол, Бакингемска палата
Столот на кралицата беше користен на нејзиното крунисување во 1953 година. Столот на војводата од Единбург е направен подоцна.
Црвената соба, замок Виндзор
Повеќето од исклучителниот мебел на собата се од Морел и Седон, основните добавувачи на кралот Џорџ IV. По пожарот кој го опустоши замокот Виндзор во 1992 година, оваа просторија беше целосно обновена.
Зелената соба, замок Виндзор
Во оваа соба беа закачени гламурозните свадбени портрети на војводата и војвотката од Сасекс во 2018 година.
Големата соба за прием, замок Виндзор
Оваа соба има шест спектакуларни таписерии со големо француско влијание.
Спалната на Мери, кралицата на Шкотска, палата Холирудхаус
До спалната соба на познатата кралица може да стигне само по тесно скалило, кое ве води до врвот на кулата.
Одаја за државници, палата Холирудхаус
Ова е собата каде кралицата Елизабета го прима шкотскиот прв министер кога е во градот. Просторијата е покриена во таписерии.
